Бұл туралы Tengrinews.kz тілшісі хабарлайды.
"Алматы — Бішкек тасжолында екі көлік бетпе-бет соғысты. Жол апаты салдарынан бір көлік толықтай өртеніп кетті. Зардап шеккендер жайлы айтылмады", — делінген Instagram желісіндегі kris_p_almaty паблигінде.
Куәгерлердің айтуынша, жол апаты 26 ақпанда таңғы сағат 8-де Алматы облысы Отар ауылының маңында болған. Екі көлік соқтығысып қалған. Сондай-ақ, куәгерлер төтенше жағдайдан екі адамның қаза тапқанын айтады. Айтуларынша, өртенген көліктің ішіндегі адамдар қаза болды.