Бұл туралы "Astana TV" арнасы хабарлайды.
ЛС порталының хабарлауынша, биыл қаңтар-наурыз аралығында 8 мыңнан астам адам елден көшіп кеткен. Бұл былтырғы көрсеткіштен 22 пайызға жоғары. Көбі Ресейге қоныс тепкен. Одан кейін қазақстандықтар Германия, Өзбекстан, Қытай мен АҚШ-та тұруға бел буған. 3 айда 55 адам Америкаға көшіп кеткен. Ал Қазақстанға қоныс аударғандар көшушілерден әлдеқайда аз. 3 айда 3 мыңнан астам адам келген. Бір жарым мыңдай адам Өзбекстан мен Ресейден көшкен. Түркіменстан, Қытай, Қырғызстан, Монғолиядан қоныс аударған да бар. Иммигранттардың 500-ге жуығының білімі жоғары болса, Қазақстаннан кеткендердің 2,5 мыңға жуығының білімі жоғары болған екен.