Жол оқиғасы Жандосов көшесінің бойында орын алған. Куәгерлердің айтуынша, KIA жүргізушісі батыс бағытқа бет алған. Осы уақытта жаяу жүргіншілер өткеліне электрсамокатпен ер адам шыға келген. Көлігін тоқтатуға үлгере алмаған жүргізуші қағып кеткен. Әр түрлі жарақат алған ер адам ауруханаға жеткізілді. Қазір жол-көлік оқиғасын мән-жайын анықтаумен қалалық полиция айналысып жатыр.