Бұл туралы Caravan.kz медиа порталы Tengrinews.kz-ке сілтеме жасап хабарлайды.
Министр соңғы екі жылдағы пневмонияға қатысты біріккен статистика туралы айтты.
"Алдыңғы кезең бойынша нақты сандар бар, оны жасырмаймыз. Ол жерде пневмонияның бірнеше түрі бар — вирустық, бактериялық, зең, коронавирустық. 2019 жылы 2 тамызға дейін 76 985 жағдай анықталса, 2020 жылы — 256 541 жағдай тіркелді.
Оның ішінде, 2019 жылы 2033 өлім жағдайы болса, ал 2020 жылы 4042 адам өлімі тіркелген", — деді министр.
Еске салайық, 17 шілдеде Қазақстанның денсаулық сақтау министрі Алексей Цой коронавирус пен пневмония статистикасы тамызда біріктірілетінін мәлімдеген болатын. Министр елімізде 1 қаңтар мен 15 шілде аралығында 234 187 пневмония дерегі тіркелгенін атап өтті.