Бұл туралы Caravan.kz медиа порталы Tengrinews.kz-ке сілтеме жасап хабарлайды.
Басылым мәліметінше, Еуропадағы дәрігерлер ауру тарағаннан кейін бірнеше аптадан соң вирус адаммен байланыста болғаннан кейін ауа-тамшы жолдары арқылы ғана емес, сондай-ақ ауадағы микроскопиялық бөлшектердің көмегімен біраз қашықтыққа тарай алатынын анықтаған.
Бірақ вирус нақты қанша көлемде микробөлшектерде қалатыны белгісіз. Флорида университетінің зерттеушілері аэрозольдердің вирустық жүктемесі үлкен және ол адамға жұғуы мүмкін екенін дәлелдей алатын деректер барын айтқан. Америкалық ғалымдар ондай бөлшектерге бүтін, тірі вирустар бекітіле алатынын айтады.
Іс жүзінде адамдар коронавирусты физикалық байланыссыз жұқтырған кездер тіркелген. Мысалы, наурызда Маунт-Вернон қаласында шіркеу хорының мүшелері дайындық кезінде коронавирус жұқтырған. COVID-19 белгілері бар хордың бір мүшесі бірден 52 адамға жұқтырған. Үшеуі ауруханадан ем алып, екі адам қайтыс болған.