Бұл туралы Caravan.kz медиа порталы Sputnik.kz-ке сілтеме жасап хабарлайды.
Қытайдың оңтүстігіндегі Гуандун провинциясының Шэньчжэне қаласында мұздатылған тауық етінен коронавирус анықталды.
Жергілікті билік өкілдерінің айтуынша, бұл өнім бейсенбі күні таңертең Бразилиядан жеткізілген.
"Ауруларды бақылау мен алдын-алудың жергілікті орталығы өнім үлгісінде вирустың бар-жоғын тексергенде нуклеин қышқылына тест оң нәтиже көрсеткен. Артынша, барлық қызметкерлер сынақтан өткізіліп, нәтижесі теріс шыққан", — делінген ақпаратта.
Бұл Оңтүстік Африка елдерінен, соның ішінде Эквадорда мұздатылып жеткізілген өнімдер орамасынан табылған алғашқы жағдай емес. Бұған дейін Қытайдың шығысындағы Аньхой мен Уху провинциясындағы мейрамханаларға Эквадордан әкелінген теңіз өнімдері мен асшаяндар пакетінен алынған сынамаларда коронавирусқа оң нәтиже көрсеткен. Сондай-ақ, Яньтае қаласында да импортталған теңіз өнімдерінің сыртқы қаптамасынан вирус анықталды.
Жалпы, шілде айының басынан бері Қытайдың жеті қаласында мұздатылған теңіз өнімдерінің қаптамасында вирус пайда болғандығы туралы БАҚ-та жиі айтылуда. Денсаулық сақтау саласының сарапшылары мұның себебін COVID-19 эпидемиясы көптеген елдерге әлі де ауыр әсер етуде деп түсіндіреді.
Айта кетейік, кейбір сарапшылар мұздатылған теңіз өнімдерін буып-түю процесі олардың ластану ықтималдығын тудыратынын және тағам әдетте төмен температурада сақталғандықтан, бұл вирусқа жақсы жағдай туғызуы мүмкін екендігін айтады.