Бұл туралы Caravan.kz медиа порталы Sputnik.kz-ке сілтеме жасап хабарлайды.
Білім және ғылым министрлігі жаңа оқу жылында оқушылар қалай демалатынын айтты.
2020 жылдың 13 тамызындағы бұйрыққа сәйкес, мынадай мерзімдер анықталған:
- 2020-2021 оқу жылының басталуы — 1 қыркүйек 2020 жыл;
- 1-сынып оқушылары 33 апта оқитын болады, 2-11 (12) сыныптар — 34 апта.
Оқу жылының демалыс кестесі:
1-11 (12) сыныптар: күзгі каникул – 10 күн (5-14 қараша (қоса есептегенде) 2020 жыл ), қысқы – 11 күн (31 желтоқсан 2020 жыл — 10 қаңтар 2021 жыл), көктемгі демалыс – 12 күн (20-31 наурыз 2021 жыл);
1-сыныптарда: қосымша демалыс – 7 күн (8-14 ақпан 2021 жыл).
Бұған дейін білім министрі Асхат Аймағамбетов қашықтан оқуға қарамастан, оқушылардың демалысы өзгеріссіз қалатынын айтқан еді.
"Қашықтан оқуға қарамастан, балалар қатты шаршайды. Сондықтан каникул кестесі өзгертілмейді", — деді министр.
1 қыркүйектен бастап оқушылар қашықтан оқитын болады. Бастауыш сынып оқушылары үшін мектепте кезекші класс қарастырылған.