Бұл туралы Caravan.kz медиа порталы Sputnik.kz-ке сілтеме жасап хабарлайды.
Қазақстан әлемнің үздік елдері рейтингінде екі сатыға көтеріліп, 66-орын алды.
US News & World Report жыл сайынғы үздік елдер рейтингін жариялады.
Рейтинг тоғыз көрсеткіш негізінде жасалды:
- кәсіпкерлікті дамыту;
- туристер арасында танымалдылық;
- өз азаматтарына қарым-қатынасы (адам құқығын қорғау, экология және гендерлік теңдік);
- мәдени ықпал;
- тарихи мұра;
- даму әлеуеті;
- бизнеске ашықтығы;
- әскери қуат;
- өмір сапасы.
Қазақстан бұл тізімде екі сатыға көтеріліп, Гватемала (65-орын) мен Гананың (67-орын) арасына орналасып, 66-орын иеленді.
Көрші Ресей 23-орын алса, Әзербайжан – 61-орында.
Қазақстан тоғыз көрсеткіштің жетеуі бойынша өз жағдайын жақсартқан. Елдің үздік позициялары: әскери қуат, даму әлеуеті және бизнеске ашықтығы. Ал нашар көрсеткіштері: мәдени ықпал, кәсіпкерлікті дамыту, туристер арасында танымалдылығы, өз азаматтарына қарым-қатынасы және тарихи мұра.
Басылым мәліметінше, биыл әлемнің ең үздік мемлекеті – Швейцария. Одан кейін Канада, Жапония, Германия және Австралия жайғасқан. Үздік ондыққа Ұлыбритания, АҚШ, Швеция, Нидерланды мен Норвегия кірді.