Видео ұрыстың ортасында түсіріле бастаған. Instagram парақшада жарияланған видеодан кикілжіңнің әнге бола басталғанын көруге болады. Оқиға болжаммен Алматы қаласында болған, деп жазды kznews.kz порталы.
Видео авторы жолаушыға қазақша ән ұнамай қалғанын айтып сендіруде. Ал жолаушы өз кезегінде керісінше әннің ұнап, оны ауыстырмауды өтінгенін айтады.
Жолаушыларға жүргізушінің видеоға түсіріп жатқаны ұнамай, әрі қарай бір-біріне қол көтереді. Десе де кімнің бірінші болып «ұрғаны» белгісіз.