Талдықорғандық ҮЕҰ конкурстық іріктеудің барлық кезеңдерінен өтіп, финалда өзінің әлеуметтік маңызды идеясын ұсынды. Алматы облысында сенсорлық интеграция кабинетін ашу бастамасын қазылар алқасы қолдады және «Басқа өмір» ҚҚ Нұрсұлтан Назарбаев Қорының грантын жеңіп алды.
Кабинет түрлі аспалы тербелістері бар сенсорлы-динамикалық кешен, онда теңгергіштердің бірнеше түрі және ауқымды дидактикалық материалдар бар. Мұның бәрі аутизмі бар балалардың оңалтудан өтуі, бейімделген дене шынықтырумен айналысуы, қажетті дағдыларды дамытуы, ал олардың ата-аналары психологиялық көмек алуы үшін бағытталған.
Жобаның жұмыс істегеніне үш ай болды, және осы уақыт ішінде ол 50 кішкентай қазақстандыққа көмек қолын созды. Сабақтар аптасына екі рет 40 минуттан өтеді. Балалармен «Басқа өмір» қорының оқытылған мамандары, сондай-ақ логопедтер мен психологтар жұмыс істейді.
Ата-аналар атап өткендей, сенсорлық интеграция сабақтарына қатысатын балалардың қарым-қатынас дағдылары жақсарды. Сонымен қатар, назар аударудың, көздің байланысуының айтарлықтай прогресі байқалды, тұлғааралық өзара іс-қимыл ретке келе бастаған.
— Біздің жобамыздың қала үшін маңыздылығын растай отырып, мен бірінші ағымда сабақта өткен баланың анасының сөздерін келтіргім келеді: «соңғы екі айда біз алдыңғы 12 жылмен салыстырғанда көп нәрсеге қол жеткіздік», — дейді идея авторы Камилла Ситасманова. — Біз сондай-ақ ата-аналармен үнемі кездесулер мен дөңгелек үстелдер өткізіп отырамыз, онда балаларды оңалту нәтижелерімен бөлісеміз, сенсорлық интеграцияға қатысты қызықтыратын сұрақтарға жауап береміз. Осылайша, ерекше балалардың ата-аналары қалада оларға және олардың балаларына көмектесуге жағдай жасалғанын және арнайы мамандар бар екенін түсінеді.