"Санитарлық талаптар сақталмаған жағдайда және мереке күндеріне байланысты вирус жұқтырғандар саны көбейсе, нәтижесінде жұқпалы аурулар ауруханаларына жүктеме артады. Кәсіпорындар мен ұйымдарда карантиндік шаралар күшейтіледі. Әр адам жауапкершілік пен сақтық танытып, туыстары мен достарына санитарлық қауіпсіздік ережелерін сақтау керектігін ескертуі керек", — деді Алматы қаласы санитарлық эпидемиологиялық бақылау департаменті басшысының орынбасары Әсел Қалықова.
Алматыда коронавирус бойынша эпидемиологиялық жағдай 2 наурыздан бастап күрделене түсті, 10 наурыздан бастап мегаполис "қызыл" аймаққа кірді. Аурудың жоғарылауы 3 наурызда басталды, сол кезде күніне 121 жағдай тіркелді. Соңғы жеті күндегі сырқаттану деңгейі 61,2 құрады, репродуктивті саны R — 1,3.
"Наурызда CVI эпидемиясының даму динамикасында ақпан айында тұрақтанғаннан кейін аурудың өсу тенденциясы байқалады. Сонымен, ақпанның бірінші аптасында 770 жағдай тіркелді, екіншісінде — 740 жағдай, үшіншісінде — 721, төртіншісінде — 714 жағдай. 8-13 наурыз аралығында — 1365 адам коронавирус жұқтырды", — деді санитарлық-эпидемиологиялық бақылау департаменті.
Тек соңғы бір тәулік ішінде Алматыда COVID-19-тің 360 жағдайы тіркелді. Олардың 359-ы жергілікті, біреуі Стамбулдан әкелінген, 269-ы симптомдармен, 91-і симптомсыз. Бүгінгі күні жұқпалы аурулар ауруханаларында 1287 адам жатыр, оның 14-і өте ауыр жағдайда, 131-і ауыр жағдайда, 1142-сі орташа ауырлықта.
Қалықованың айтуынша, наурыз айында CVI жоғарылауының себебі — қала тұрғындарының әлеуметтік байланысының артуы және қала маңындағы тұрғындардың қоғамдық орындарға барумен байланысты.
Мектептерде бірінші сыныптан бесінші сыныпқа дейін оқудың басталуына байланысты 14 жасқа дейінгі балалар ауруының 22,4% -ға өсуі тіркелді — соңғы жеті күнде 138-ден 169 жағдайға дейін.