Бұл туралы Caravan.kz медиа порталы тілшісіне Меди Сервис клиникасының 2 санатты терапевті Батаева Толкын айтып берді.
— Постковид синдромы дегеніміз не?
— Постковтық синдром немесе Long Covid, коронавируспен ауырған адамдарда пайда болатын симптомдық жиынтық.
— Бұл синдром қайдан пайда болады?
— Коронавирустан кейін пайда болады. Алайда, постковид коронавируспен ауырған барлық адамдарда бола бермейді. Постковид Covid-19-дан жазылғаннан кейін немесе вируспен ауырған кезінде пайда болады. Симптомдар біраз уақыттан кейін өзгеріп, қайта пайда болуы мүмкін. Шамамен ауырғандардың 20%-да постковидті синдром болады.
— Постковидтің симптомдары қандай болады?
— Постковидті синдромда дене температурасының шамалы жоғарылауы, құрғақ жөтел, асқазан-ішек жолдың, психиканың бұзылуы әлсіздік, апатия, дүрбелең шабуылдары, аносмия, кеуде ауыруы ,бұлшықет ауыруы сияқты белгілер жиі кездеседі. Және де есте сақтау проблемалары туындауы мүмкін.
— Постковидті синдром қанша уақытқа созылады?
— Бірнеше аптадан бірнеше айға дейін. Постковидті синдром, әдетте, covid-19 басталғаннан кейін үш айдан кейін пайда болады.
— Бұл адам ағзасының жұмысына әсер ете ме? Салдары болады ма?
— Коронавирустық инфекциядан кейін денені қалпына келтіруге бағытталған оңалту өте маңызды. Көбінесе постковтық синдром салдарсыз өтеді, бірақ бәрі адам ағзасына байланысты.
— Постковидтің алғашқы белгілерінде не істеу керек? (ПТР тапсыру, дәрігерге бару және т.б.)
-Жоқ, ПТР-ды, антиденелерды тапсырудың қажеті жоқ. Терапевтпен байланысып, әрі қарай оңалту жоспарын бірге жасау керек.
— Постковид емделеді ме?
-Тек уақытпен емделеді. Денені қалпына келтіруге болады. Бірақ осы уақытқа дейін ешкім нақты емін айта алмайды.
— Постковидтің белгілерінің бірі-ет, жұмыртқа пияздың иісі мен дәмін ұнатпау. Оның себебі неде?
Бұл сұраққа нақты жауап жоқ . Темір тапшылығы анемия кезінде иістерге сезімталдық байқалады. Мүмкін, постковид осыған әсер етіп, сезімталдылықты күшейтетін шығар.