Қазақстан үкіметі мен Ұлттық банк несиелік рыноктағы бәсекелестікті күшейтуге белсенді шара қолдануы тиіс - ҚР Елбасы

Банктер таратқан несиелер көлемі 16,3 процентке артып, 780 млрд. теңгеден асқанымен, несиелік өсімақы көлемі жоғары күйінде қалып отыр,- деді Н.Назарбаев. Жеке және заңды тұлғаларға теңгемен берілген несиелердің орташа сыйақылық ставкасы алғашқы жарты жылдықта кему орнына керісінше, 14-тен 15,4 процентке дейін артқан. Ал жылдық сыйақы көлемі 21,5 проценттен 22,2 процентке дейін артты. Қаржы рыногіндегі ликвидтілік деңгейінің едәуір артуына байланысты мемлекеттік бағалы қағаздар рыногін дамытуға бағытталған шаралардың өзектілігі артып отыр. Өйткені, мемлекеттік бағалы қағаздарды шығару көлемі азая түскені белгілі.