Бұл туралы Caravan.kz медиа порталы ҚазАқпарат-қа сілтеме жасап хабарлайды.
Осы күзде Ұлыбританиядағы әрбір үй шаруашылығына газ және электр энергиясы үшін 400 фунт көлемінде жеңілдік беріледі. Елдің қаржы министрі Риши Сунактың айтуынша, ең кедей отбасыларға 650 фунт стерлинг төленеді.
Сарапшылар энергия бағасының одан әрі өсуі мүмкін деп болжап отыр. Жыл соңына дейін миллиондаған британдық азаматтың бұл өсімді қалтасы көтере бермейді.
Жалпы сомасы 15 млрд фунт болатын жаңа шаралар пакеті соңғы айларда күрт өскен мұнай-газ компанияларының күтпеген кірістеріне 25 пайыздық салық есебінен ішінара қаржыландырылатын болады.
Үкімет сондай-ақ зейнеткерлер мен мүгедектерге көмек көрсетеді.
Осы аптаның басында Ұлыбританияның Оfgem энергетикалық реттеушісі қазан айында үй шаруашылықтары үшін газ бен электр энергиясының орташа мөлшері 800 фунтқа өсіп, жылына 2800 фунт стерлинг болатынын мәлімдеді. Сәуір айында шоттар орта есеппен 700 фунтқа өсті.