Қарағанды облысында кеніште болған апаттан бір жұмысшы үйіндінің астында қалды

Қарағанды облысында Жезқазғаннан 170 шақырымдағы "Жаманайбат" кенішінде жұмыс барысында бір шахтер үйіндінің астында қалды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

37 жастағы жұмысшы оқиға орнында қаза тапты. Осыған байланысты тергеу жұмыстары жүргізілуде.

Сол күні Алматы облысының Қаратал ауданында 2 қабатты ескі тұрғын үйді өз бетімен құлату барысында екі ер адам құлаған қабырғаның астында қалды. Апат салдарынан 23 жастағы еркек оқиға орнында мерт болып, 44 жастағы тағы бір еркек ауруханаға түсті.