Қазақстанда пайдаланылмай жатқан ауыл шаруашылығы жерлерін жаппай мемлекетке қайтару жалғасып жатыр. Бұл туралы үкіметтің баспасөз қызметі хабарлады, — деп хабарлайды Tengrinews.kz тілшісі.
Қазақстан Ауыл шаруашылығы министрлігінің күшімен 2022 жылдың 6 айында 904 мың гектар пайдаланылмаған немесе заңнаманы бұза отырып берілген жер мемлекет пайдасына қайтарылды. 2021 жылы 430 мың гектар қайтарылған.
"Жыл аяғына дейін тағы 5 миллион гектар пайдаланылмаған ауыл шаруашылығы жерін қайтаруды қамтамасыз ету жоспарланып отыр.
Мемлекет пайдасына қайтарылған жерлерді одан әрі аграрлық сектор өкілдеріне тікелей пайдалануға беруді жергілікті атқарушы органдар (әкімдіктер арқылы) бөледі", — делінген хабарламада.