Оқиға орнына өрт сөндірушілер шақырылды, деп хабарлайды Sputnik Қазақстан қалалық төтенше жағдайлар департаментіне сілтеме жасап.
Ресми мәліметке сәйкес, бүгін таңғы сағат 10:00-дің шамасында Шәкәрім Құдайбердіұлы көшесімен келе жатқан көлік Іле көшесінің қиылысындағы бағдаршамға тоқтаған кезде өртке оранды.
"Volkswagen Passat маркалы автомобильдің қозғалтқыш бөлігінен өрт шыққан. Көлік толығымен жанып кетті ", — дейді құтқарушылар.
Оқиға орнына бес өрт сөндіруші барды. Олар қысқа уақыттың ішінде өртті сөндірді.