Супер орта салмақтағы абсолютті әлем чемпионы Сауль Альварес қазақстандық үш боксшының мақтауын асырды, деп жазады Caravan.kz медиа порталы Prosports.kz-ке сілтеме жасап.
Suleimen Promotions компаниясының Youtube-арнасында «Канелоның» қазақ боксшылары Әбілхан Аманқұл, Евгений Павлов және Бек Нұрмағанбетті болашақ әлем чемпионы деп атаған видеосы жарияланды.
«Қараңыз, бұлар болашақ әлем чемпиондары! Үш чемпион», – деді мексикандық қазақстандық боксшыларды нұсқап.
«Альварес сіздерді әлем чемпионы болады дейді! Одан мұндай мақтау есту оңай емес!» — деді видео авторы.
