Қазгидромет ақпаратынша, жаңа жұмыс аптасының басында ауа райы құбылады. Елдің басым бөлігінде қар жауады, тек оңтүстік өңірлерде қар аралас жаңбыр күтілуде.
8 қарашада шығыстың жекелеген аудандарында, оңтүстік пен оңтүстік-шығыстың тау бөктері мен таулы аудандарында қатты жауын-шашын түседі. Түнде және таңертең тұман, көктайғақ болады, солтүстік жартысында бұрқасындатады.
"Республика бойынша температуралық фонда күрт өзгерістер болжанып отырған жоқ", — деді синоптиктер.
8 қарашада ірі қалаларда ауа райы қандай болады
Астанада күн бұлтты, аздап қар жауады. Түнде -4, күндіз -1 градус суық.
Алматыда күн бұлтты, жаңбыр жауады. Түнде +9, күндіз +5 градус жылы.
Шымкентте де күн бұлтты, жаңбыр жауады. Түнде +8, күндіз +5 градус жылы.