Осыған орай, тұрғындар қалада қаңғыбас иттердің тым көбейіп кеткенін айтып, шағымданды, деп хабарлайды Caravan.kz.
Желіде пайда болған видео авторы оқиғаның Бейбітшілік 71 мекенжайында болғанын айтады.
«Сәлеметсіздер ме! Бейбітшілік 71 мекенжайы бойынша, түнгі 01:40-та бір топ түнімен ұлыды, олар тіпті бір-бірімен қауып алды. Бүгін бір-біріне осылай шабуылдаған иттер, балаларға шабуылдамасына кім кепіл? Балаларды талап өлтірсе қайтеміз? Шара қолдануды сұраймыз», — деп жазған бейнежазба авторы.
Желі қолданушылары мұндай иттердің аталған ауданда тым көп екенін мәлімдеді.
«Қаңғыбас иттер көбейіп кеткен, қорқынышты жалғыз жүру», «Балаларға өте қауіпті, ұлым екінші ауысымда оқиды, үнемі иттердің көп жүретінін айтып келеді», «Ана жылы Ақтөбеде болған оқиғадан ешкім сабақ алмады ғой деймін? Бізде де бала өлу керек пе?» деп күйінді олар.
Аталған мәселе бойынша Астана қаласы Сарыарқа ауданы әкімдігі пікір білдірді.
«Иттердің барлығы ұсталды. Оқиға орнында қанның ізі табылмады. Иттер 60 күнге қамалды, егер оларды иелері алмаса, онда санитарлық жұмыстар жүргізіліп, бостандыққа жіберілетін болады», — дейді баспасөз қызметі өкілдері.