Қазақстандық боксшы Жанқош Тұраров (26-0, 19 КО) UFC-де өнер көрсететін Шавкат Рахмоновтың (16-0) келесі жекпе-жегіне болжамын айтты, деп хабарлайды Caravan.kz медиа порталы Vesti.kz-ке сілтеме жасап.
5 наурызға қараған түні Лас-Вегастағы T-Mobile аренада UFC 285 турнирі өтеді. Бұл кеште Рахмонов америкалық Джефф Нилмен (15-4) жұдырықатсады.
"Шавкатты үлкен жекпе-жек күтіп тұр. Жеңіске жетсе ол ең мықтылар қатарына кіреді. Ол чемпион болады деп ойлаймын. Ол UFC-дегі ең мықтылардың бірі және 5 наурызда осыны дәлелдейді. Мен оған сенемін. Қазақстандықтарды наурзыда қуантамыз. Шавкат бесінде, мен 21 наурызда.
Мен Шавкатқа жанкүйер болып, жекпе-жегін тамашалаймын. Ал елге оралғанында оны менің бокс кешімде құрметті қонақ ретінде күтемін", — дейді Тұраров.