Бұл туралы ИИДМ Автомобиль жолдары комитеті төрағасының орынбасары Амангелді Беков Орталық коммуникациялар қызметінің алаңында өткен баспасөз мәслихатында мәлімдеді, деп хабарлайды Caravan.kz медиа порталы BAQ.kz-ке сілтеме жасап.
Биыл республикалық бюджет қаражатынан 30 млрд теңге бөлінді. Оның есебінен жыл соңына дейін автожолдың бүкіл ұзындығы бойынша қозғалысты қамтамасыз ету жоспарланып отыр. Қазіргі уақытта нысандарда ағымдағы құрылыс маусымына жол-құрылыс материалдарын дайындау жұмыстары жүргізілуде, — деп атап өтті ведомство өкілі.
Айтуынша, былтыр республикалық желі бойынша барлығы 11,6 мың шақырым жол жұмыстарымен қамтылған.
Оның ішіндегі 4 мың шақырымы құрылыс және реконструкциямен қамтылып, соның 1,2 мың шақырымында негізгі жұмыстар аяқталды. Күрделі және орташа жөндеумен 3 мың шақырым жол қамтылды, 679 шақырымы аяқталды. Реконструкциялау бойынша жұмыстар 17 жобада жүргізілуде, олардың аясында 2024 жылға дейін іске асыру мерзімімен 3,6 мың шақырым жол қамтылатын болады, — деді Амангелді Бек.
Еске сала кетейік, бұған дейін ел аумағында 100 мың шақырымға жуық автомобиль жолы бар екендігі туралы жазған болатынбыз.