Норвегия үкімет басшысы ресми сапармен елімізге келеді

Бұл туралы KZ-today тілшісіне ҚР СІМ-нің баспасөз қызметінен хабарлады.

Сапар бағдарламасы аясында Норвегия үкімет басшысы Елбасы Нұрсұлтан Назарбаевпен, үкімет басшысы Даниал Ахметовпен және үкіметтік емес ұйымдар өкілдерімен кездесіп, Норвегияның Қазақстан Республикасындағы құрметті консулдығының ашылу рәсіміне қатысады.
Сапар аясында екі ел кәсіпкерлерінің қатысуымен «Инновациялық Норвегия» тақырыбында бірқатар тұсаукесер-семинарлар өткізу межеленіп отыр.
Сондай-ақ, Норвегия үкімет басшысы Отан қорғаушылар ескерткішіне гүл шоқтарын қойып, Елбасының мәдени орталығын, «Астанабасжоспары» ҚКК, Л.Гумилев атындағы Еуразия Ұлттық университеті мен «Бәйтерек» кешенін аралайды.