29-30 мамырда Берлин қаласында Еуропа қазақтарының кіші құрылтайы өтеді

Үстіміздегі жылдың 29-30 мамырында Берлин қаласында Дүниежүзі қазақтары қауымдастығының қатысуымен Еуропа елдерінде тұратын қазақтардың кіші құрылтайы өтеді. Бұл туралы KZ-today тілшісіне ҚР СІМ-нің баспасөз қызметінен хабарлады.

28 мамыр жұма күні кешке Батыс Еуропа қазақтарының мәдениет және спорт фестивалінің ресми ашылуы өтеді. Оған шетелдік қазақтар мен елімізге ниеттес неміс жұртшылығы және БАҚ өкілдері, Қазақстаннан және Еуропа елдерінен ресми делегация мүшелері шақырылған. Сол күні атажұрттан келетін өнерпаздардың күшімен Қазақстан Республикасының Германиядағы елшілігінде коктейль-концерт ұйымдастырылады.