ЕурАзЭҚ бас хатшысы бірлестіктің Еуропалық Одақпен етене жақын ықпалдасуға әзір екенін атап көрсетті

Халықаралық ұйымдар мен басқа елдермен ортақ экономикалық кеңістік аясында әрекет ететін Қоғамдастық мүдделілік танытқан тараптардың барлығымен бірдей етене жақын ынтымақтастық орнатуға дайын,- делінген жолдауда.

ЕурАзЭҚ Еуропалық Одақ, Бүкіләлемдік кеден ұйымы, БҰҰ Даму бағдарламасының басшылығы, Еуропалық қайта құру және даму банкі тәрізді ұйымдармен жақын іскерлік байланыстар орнатты. Еуропадағы қауіпсіздік және ынтымақтастық жөніндегі ұйыммен тұрақты диалог жолға қойылды.
Г.Рапотаның атап көрсетуінше, ЕурАзЭҚ оған біріккен елдердің табиғи әріптесі болып табылатын Еуропалық Одаққа мүше елдермен қарым-қатынаста оң потенциалды кеңінен пайдалануға бар күшін салады. Екі ұйым арасында бірқатар бағыттар бойынша өзара диалогты дамыту туралы мәмілелер ЕурАзЭҚ пен Еуропалық Одақ арасындағы қарым-қатынаста позитивті ағымдар басым түседі деген сенімді күшейте түсуде.
Эвиана қаласындағы бизнес-саммит осымен бесінші мәрте өткізіліп отыр. Бір аптаға созылатын форумға Еуразия аймағы елдерінен келген өкілдер, соның ішінде ЕурАзЭҚ-қа мүше Ресей, Қазақстан, Беларусь, Қырғызстан мен Тәжікстан өкілдері қатысуда.
Форумды Британияның жетекші кәсіпкерлік бастамалар Қауымдастығы ЕурАзЭҚ Парламентаралық Ассамблеясымен бірлесе отырып ұйымдастырған.