Аумақтық әділет органдарындағы кезектен тыс аттестациялау қорытындысы бойынша 28 қызметкер жұмыстан шығарылды

Аумақтық әділет органдарындағы кезектен тыс аттестациялау қорытындысы бойынша 28 қызметкер жұмыстан шығарылды. Бұл туралы бүгін, 7-маусымда ҚР әділет министрі Оңалсын Жұмабеков "ҚР әділет органдары іс-қызметінің кейбір бағыттары туралы" тақырыбы бойынша парламентте өткен үкіметтік сағатта құлағдар етті,- деп хабарлайды KZ-today тілшісі.

«Кезектен тыс аттестациялау шарасы аумақтық әділет органдары қызметкерлерінің иемденген лауазымдарына лайықтығын тексеру және олардың кәсіби біліктілік деңгейін анықтау үшін жүргізілді»,- деді О.Жұмабеков.

Оның айтуынша, 493 қызметкердің иемденген лауазымдарына лайық емес екені анықталды. Олар 6 айдан кейін қайтадан аттестациялау шарасынан өтуі тиіс. Ал 28 қызметкер жұмыстан шығарылды.