Қазақстаннан келе жатқан контрабандашыларды ұстау үшін Өзбек шекарашылары оқ атты

Маусымның 13-інен он төртіне қараған түні Қазақстаннан Өзбекстанға беттеген контрабандашыларды ұстамақ болған Өзбекстандық шекарашылар жасағы оқ атты. Соның салдарынан контрабандашылардың тауары тиелген мотоцикл өртеніп кетті. Бұл туралы KZ-today тілшісіне ҚР ҰҚК шекара қызметінің Оңтүстік аймақтық басқармасының бастығы Марат Мәжитов мәлімдеді.

М.Мәжитовтың айтуынша, Өзбекстандық төрт азамат «Урал» мотоциклімен Оңтүстік Қазақстан облысынан сатып алған маталарды Өзбекстанға жасырын алып өтпек болады. Жібек жолы трансшекаралық ауылы маңында Қазақ-Өзбек мемлекеттік шекарасынан өтпек болған жерінен контрабандашыларды Өзбекстандық шекарашылар жасағы ұстап алған.

Шекарашылар мен ұсталғандар арасында кикілжің шыққан. Шуылды естіп жергілікті тұрғындардан 60-тай адам жиналады. Осы сәтте оқ ата бастаған Өзбекстандық шекарашылар барлығы 30-дай оқ шығарған.
М.Мәжитовтың айтуынша, зардап шеккендер мен құрбан болғандар туралы мәлімет жоқ.