Оңтүстік Қазақстан облысында оралмандарға арнап үйлер салына бастады

Бүгін, 21-маусымда Оңтүстік Қазақстан облысы Бадам станциясында "Батсу" корпорациясы мен "Отан" партиясының Оңтүстік Қазақстан облыстық филиалының басшылығы оралмандарға арнап салынатын 50 үйдің орнына қазық қақты. Бұл туралы KZ-today тілшісіне облыс әкімінің баспасөз қызметінен хабарлады.

Биыл 10 үй салынады деп күтілуде. Жалпы алғанда, корпорация алдағы үш жылда 50 коттедж салуды жоспарлап отыр. Бұл үйлер облысқа квота бойынша қоныс аударған оралмандарға арналады. Тұрғын үйге ие болу үшін оралмандар «Батсу» корпорациясында 5 жыл үздіксіз жұмыс істеуі тиіс. Корпорацияда мыңдай адам жұмыс істейді.