Оңтүстік Қазақстан облысында шекаралық застава басшыларының жиыны басталды

Оңтүстік Қазақстан облысының Сарыағаш ауданында "Оңтүстік" аймақтық басқармасына қарасты шекаралық застава басшыларының жиыны басталды. Бұл туралы KZ-today тілшісіне облыс әкімінің баспасөз қызметінен хабарлады.

Жиын «Қапланбек» шекаралық заставасының базасында өткізілуде. Оған Сарыағаш, Қызылорда және Тараз шекаралық отрядтарының шекаралық застава басшылары қатысуда.

8-шілде, бейсенбіде «Оңтүстік» аймақтық басқармасының бастығы Марат Мәжитов арнайы кеңес өткізіп, онда шекаралық заставаларды жабдықтау мәселесіне баса назар аударылды. Жиын барысында офицерлер далалық жаттығуларға қатысып, заставаларды аралап, шекара қорғау мәселесі бойынша өзара пікір алмасады.