Байқоңыр ғарыш айлағынан "Амазонас" ғарыш аппараты ұшырылды

Бүгін, 5-тамызда Астана уақытымен 5 сағат 32 минутта Байқоңыр ғарыш айлағынан "Протон-М" зымыран тасығышы "Амазонас" ғарыш аппаратын алып ұшты. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттіктің баспасөз қызметінен хабарлауынша, ғарыш кемесін ұшыру қалыпты жағдайда жүзеге асырылған.

Аппаратты ұшыруға байланысты қандай да бір қауіп-қатер мен залал-зардапты жою мақсатымен 3 сағат 32 минуттан 6 сағат 32 минутқа дейін Қарағанды, Қызылорда, Шығыс Қазақстан және Павлодар облыстық төтенше жағдайлар жөніндегі басқармасының апаттан құтқару күштері мен құралдары жоғары дайындық жағдайына келтірілді.