Алматы облысында жер асты дүмпулері тіркелді

Алматы облысы Ескелді ауданы Рудничный ауылында 5- тамыз күні 12 сағат 27 минутта жер сілкінді. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік ақпаратына сәйкес, жер сілкінісінің кіндігі Жоңғар Алатауында тіркелген. Сілкініс ошағы солтүстік ендіктің 44 градус 46 минутында, шығыс бойлықтың 78 градус 48 минутында орналасты. Сілкініс ошағында оның қуаты 2 баллға жетті. Құрбан болғандар мен қирап бүлінген ештеңе жоқ.