Маңғыстау облысында муфлон мен ақбөкен аулап жүрген табиғат қаскөйлері ұсталды

Маңғыстау облысында, Ақтаудан 200 шақырым жердегі Терек Орпа қорығы аумағында құқық қорғау органы қызметкерлері браконьерлік жасады деген күдікпен 6 адамды ұстады,- деп хабарлайды KZ-today тілшісі.

Көліктердің бірінен 2 муфлон мен 1 ақбөкеннің өлексесі табылды. Тұтқындардан екі аңшы мылтығы мен 2 карабин тәркіленді. Заңсыз аң аулауға қатысты айғақ заттар хаттама рәсімдеу үшін тәркіленді.

Қазір тұтқындар Ақтау қалалық ІІБ-да отыр. Бірнеше күннен кейін олардың үстінен қылмыстық іс қозғалады.
Мұндай қылмыс үшін ҚР Қылмыстық кодексінің 288 бабы бойынша 3 жылға дейін бас бостандығынан айыру жазасы қарастырылған.
Жыл басынан бері бұл Маңғыстау облысы аумағында тіркелген заңсыз аң аулауға байланысты алғашқы оқиға.