Астанаға Пәкістаннан келген бір еркек малярия деген диагнозбен ауруханаға жатқызылды

7-тамызда Астана қалалық жұқпалы аурулар ауруханасына Пәкістаннан келген бір еркек малярия деген диагнозбен жатқызылды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік хабарламасында атап көрсетілгеніндей, 9-тамызда дәрігерлер науқасқа «үш күндік малярия» деген диагноз қойып, сырттан ауру әкелу оқиғасын тіркеді. Науқастың жағдайы орташа ауыр деп бағалануда. Мамандар қазір арнаулы эпидемиологиялық және энтомологиялық зерттеулер жүргізуде.