Қазақстан президенті Афины қаласында бірқатар мемлекет қайраткерлерімен кездесулер өткізді

Грекия президенті Константинос Стефанопулостың шақыруымен құрметті мейман ретінде Афиныда жүрген Елбасы Нұрсұлтан Назарбаев бірқатар мемлекет қайраткерлерімен кездесулер өткізді. Бұл туралы KZ-today тілшісіне ҚР президенті әкімшілігінің баспасөз қызметінен хабарлады.

Баспасөз қызметінің ақпаратына сәйкес, Қазақстан мемлекет басшысы бұрынғы АҚШ президенті Джордж Буш, Румыния президенті Ион Илиеску, Афины қаласының әкімі Дора Бакояни, АҚШ президентінің ұлттық қауіпсіздік жөніндегі бұрынғы кеңесшісі — генерал Брент Скоукрофт, бұрынғы Израиль үкімет басшысы Шимон Переспен кездесті .