Астанада El Umiti жобасы аясында 12-17 жастағы оқушыларға арналған Web-Хакатон басталды.
Сайт әзірлеу бойынша хакатон – қатысушылар белгілі бір уақыт ішінде ең үздік сайт жасап жарысатын іс-шара. Байқауға екі жас санаты қатысады: 12-14 және 15-17 жас. Қатысу тегін, компьютер немесе ноутбук болса жеткілікті. Қазақстанның барлық қаласынан оқушылар қатысады.
Web-Хакатонға қатысу арқылы балалар web бағдарламалау және web дизайн саласындағы жобасын таныстырады. Қатысу үшін оқушылар Астана уақыты бойынша 29 наурыз күні, сағат 12-00-ге дейін тіркеледі.
31 наурызда бірінші онлайн кезең басталып, барлық қатысушы жеке кабинет арқылы тапсырма алады. Содан кейін оларға тақырып бойынша өз идеясын ойлап табуға және жүзеге асыруға 72 сағат беріледі. Бұл ретте, тақырып тапсырма берілген күні анықталады.
3 сәуірде сағат 12:00-де жұмыстарды қабылдау аяқталып, 5 сәуірде финалистер жарияланады. Финалда жобаны қорғау үшін дайындауға 7 күн беріледі.
14 сәуірде сарапшылардың шеберлік дәрістер мен ойын-сауыққа қатысып, финалистер жұмысының тұсаукесерін көріп, жеңімпаздарды жариялау үшін ұйымдастырушылар барлық финалисті жинайды. iPad және MacBook сынды оларға құнды сыйлықтар беріледі.