Экономикалық ынтымақтастық ұйымының мемлекет басшыларының бас қосуы қарсаңында өткізілген сыртқы істер министрлері кеңесінің талқылауына кең көлемді мәселелер топтамасы шығарылды. Тәжікстан Республикасы СІМ-нің ақпарат департаментінен KZ-today тілшісіне хабарлағанындай, талқыланатын маңызды мәселелердің бірі — Экономикалық ынтымақтастық ұйымының аясындағы келісімдер мен оларды бекіту жағдайы туралы болмақ. Сыртқы істер министрлері сондай-ақ, заңсыз есірткі айналымымен бірлескен күрес шаралары туралы талқылайды.
Бұдан бұрын да хабарлағанымыздай, Экономикалық ынтымақтастық ұйымының саммитіне Қазақстан үкімет басшысы Даниал Ахметов қатысады.
Алдағы саммит барысында ұйымға мүше-елдердің сауда, көлік және энергетика салаларындағы ынтымақтастық проблемалары мен ұйымның Ауғанстанды қалпына келтіру жұмыстарына қатысуы туралы талқыланады.
Экономикалық ынтымақтастық ұйымын 1985-жылы Иран, Түркия және Пәкістан мемлекеттері бірлесіп құрған. 1992-жылы бұл ұйымға Ауғанстан мен Әзербайжан, Қазақстан, Қырғызстан, Тәжікстан, Түрікменстан және Өзбекстан сынды бұрынғы Кеңестік республикалар бірікті. Экономикалық ынтымақтастық ұйымының басты мақсаты — мүше-мемлекеттер арасында етене жақын сауда-экономикалық қарым-қатынас орнату, энергетика, өнеркәсіп және ауылшаруашылығы саласындағы аймақтық байланыстарды нығайту болып табылады.
- $ 517.66
- € 606.49
Алматы
- РУС
- ҚАЗ
2025 Жыл
22 Желтоқсан
