Ақтөбе облысында ЯК-18 ұшағының апатқа ұшырауы салдарынан жаттықтырушы мен курсант қаза тапты

Ақтөбе облысы Мартық ауданындағы әскери-оқу полигонында 14-қыркүйекте 19 сағат 02 минутта оқу-жаттығу мақсатындағы ұшу сәтінде ЯК-18 ұшағы апатқа ұшырады. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Агенттік ақпаратына сәйкес, апат салдарынан жаттықтырушы мен Т.Бигельдинов атындағы ұшқыштар мектебінің курсанты қаза тапты. Қазір осы оқиға бойынша тергеу амалдары жүргізілуде.