Қарағанды облысында жаттығулер кезінде өрт сөндіруші қаза тапты

Қарағанды облысының Жезқазған қаласында спорт алаңындағы жаттығулер кезінде 15 метрлік биіктіктен секіремін деп өрт сөндірушілер бөлімшесінің командирі мерт болды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Өрт сөндіруші құтқарғыш жең арқылы түсуге бағытталған арнаулы жаттығуды орындамақ болған. Осы сәтте люкті ұстап тұратын тетік үзіліп кету салдарынан өрт сөндіруші 15 метрлік биіктіктен құлап кетті.

Өрт сөндірушілер бөлімшесінің 28 жастағы командирі жарақаттар салдарынан ауруханада қайтыс болды.