Коммунистер мен ҚДТ партиясының сайлау алдындағы блогы сайлауға жіберіледі - ҚР Орталық сайлау комиссиясы

Бұдан бұрын да хабарлағанымыздай, Аграрлық және Азаматтық партиялардың сайлау алдындағы АИСТ блогы ҚР Орталық сайлау комиссиясының төрайымына шағым берген. Мәлімдемеде атап көрсетілгеніндей, «31 телеарна» көгілдір экран арқылы «ресми тіркелген ҚКП мен ҚДТ блогының» орнына «Әбділдин мен Жақиянов блогы» атты тіркеусіз блоктың жарнамасын ұдайы беретін болды». «Біздің білуімізше, Орталық сайлау комиссиясы небәрі екі блокты ғана тіркеген. Олардың арасында осындай атауы бар блок жоқ»,- делінген АИСТ мәлімдемесінде. Осыған байланысты АИСТ ҚР Орталық сайлау комиссиясынан заң бұзушылыққа тосқауыл қоюға тиісті шаралар қолдануды сұраған.

Бұл шағымды қараған Орталық сайлау комиссиясы оппозициялық блокқа бейнетаспаны өзгертіп, одан «Әбділдин мен Жақиянов блогы» деген сөздер мен Ғалымжан Жақияновтың жолдауын алып тастауға нұсқау берді. Орталық сайлау комиссиясы сондай-ақ, телеарналарға хат жолдап, бейнероликті таратуды одан әрі жалғастыру үшін оны өзгертуге блок үшін техникалық көмек көрсетуді сұрады.
Сонымен қатар Орталық сайлау комиссиясы оппозициялық блоктың бейнеролигін көрсетуді доғару туралы бұған дейін телеарналарға жіберілген хатты кері қайтарып алды.