ҚР білім және ғылым саласы қызметкерлерінің үшінші құрылтайы 12-қазанда Астанада өтеді

ҚР білім және ғылым саласы қызметкерлерінің үшінші құрылтайы 12-қазанда Астанада өтеді. Құрылтайға республикалық білім беру ұйымдары, ғылыми орталықтар, ғылыми-зерттеу институттары мен біртұтас ұлттық тестілеу қорытындысы бойынша ең таңдаулы деп саналған жалпы білім беретін мектептерден 900-ден астам өкіл қатысады. Бұл туралы KZ-today тілшісіне ҚР білім және ғылым министрлігінің баспасөз қызметінен хабарлады.

Құрылтайда білім беру саласын дамытудың 2010-жылға дейінгі мемлекеттік бағдарламасы талқыланады. Оған республика үкіметі мақұлдаған елімізде білім беру саласын дамыту жөніндегі 2015-жылға дейінгі тұжырымдама арқау етіп алынған болатын.

Форумда сондай-ақ ғылыми-педагогикалық зиялылар қауымының еліміздің қоғамдық-саяси өмірінде иемденетін ролін арттыру мәселесі де сарапқа салынады.