Бүгін, 24-қыркүйекте өткізілген баспасөз мәслихатында Азия-Тынық мұхиты аймағы хабар таратушылар одағының президенті — NHK компаниясының президенті Катсуйи Эбисаваның атап көрсетуінше, екі күнге созылатын бас қосу барысында телерадиохабарларын таратушылардың жаңаша ахуалдағы ролі, одақ аясындағы ынтымақтастықты дамыту, одақтың басқа да халықаралық ұйымдармен ықпалдастығы, БАҚ-тарға қаржы тарту мүмкіндіктерін зерттеу, медиа бизнесті дамыту және оның аясын кеңейту мәселелері талқыланады.
Форум аясында сондай-ақ Азия-Тынық мұхиты аймағы хабар таратушылар одағының сыйлықтарын табыс ету рәсімі өтеді. Осынау жыл сайынғы байқауға Азиялық телерадиокомпанииялардан 50-дей туынды, соның ішінде «Хабар» агенттігінің 2 туындысы жолданған.
Азия-Тынық мұхиты аймағы хабар таратушылар одағы дүниежүзінің 53 елінен 100-ден астам ұйымды біріктіреді. Қазақстан атынан одаққа «Хабар» агенттігі біріккен. Биылғы форум осы агенттіктің ұйымдастыруымен өткізілгелі отыр.
Азия-Тынық мұхиты аймағы хабар таратушылар одағының бас ассамблеясы Орталық Азия аймағында тұңғыш рет өткізілмекші.
- $ 517.66
- € 606.49
Алматы
- РУС
- ҚАЗ
2025 Жыл
22 Желтоқсан
