ҚР президенті Латвиямен арада қол қойылған лаңкестікпен және есірткі тасымалымен күрес саласындағы ынтымақтастық жөніндегі келісімнің маңызын жоғары бағалады

Бүгін, 8-қазанда қол қойылған Қазақстан мен Латвия арасында лаңкестікпен, есірткілік және психотроптық заттардың, оларға балама заттар мен прекурсорлардың заңсыз айналымымен және ұйымдасқан қылмыспен күрес саласындағы ынтымақтастық туралы үкіметаралық келісім "қажетті әрі уақытын тапқан" құжат болды. Бұл туралы Қазақстан Елбасы Нұрсұлтан Назарбаев Астанада Латвия президенті Вайра Вике-Фрейберги ханыммен келіссөздерден кейін өткізілген баспасөз мәслихатында мәлімдеді,- деп хабарлайды KZ-today тілшісі.

«Бұл күресте әлем елдерінің күшін біріктірмей табысқа жету мүмкін емес»,- дейді Н.Назарбаев.

Дүниежүзінде есірткі өндіруден Ауғанстан алдына жан салмайтын болса, оны тасымалдау тораптары «біздің аумақ арқылы Еуропаға дейін, соның ішінде Латвияға дейін жалғасады»,- деді президент. Осыған байланысты Елбасының айтуынша, «елдеріміздің арнаулы қызметтері мен барлаушыларының өзара ынтымақтастығының маңызы зор».
Ал Латвия президенті Вайра Вике-Фрейберги ханым бүгін қол қойылған келісім арнаулы қызметтер мен ішкі істер органдарының өзара ақпарат алмасуына түрткі болу арқылы лаңкестікпен және есірткі тасымалымен күресті күшейте түспек деп атап өтті.