Үкімет 2005-жылға арналған республикалық бюджеттің кіріс бөлігін арттыруды ниет етіп отырған жоқ - экономика министрлігі

Үкімет 2005-жылға арналған республикалық бюджеттің кіріс бөлігін арттыруды ниет етіп отырған жоқ. Бұл туралы бүгін, 18-қазанда сенаттың аймақтық даму және жергілікті өзін-өзі басқару жөніндегі комитетінің отырысында ҚР экономика және бюджетті жоспарлау министрінің орынбасары Бақыт Сұлтанов мәлімдеді,- деп хабарлайды KZ-today тілшісі.

«Әдетте үкімет бюджет жобасын жасауда біршама абайлықпен консервативтік болжамдар жасайды. Бұл жолы болжамдар айтарлықтай батыл, кіріс бөлігі анағұрлым арттырылған»,- деді Б.Сұлтанов.

Министрдің орынбасары: «бұл жолы да қалыптасқан үрдістен жңылмай, шығыс бөлігіндегі ішкі резервтердің мүмкіндіктерін қарастыратын шығармыз»,- деді.