БҰҰ-ның қауіпсіздік кеңесі Азия, Африка мен Латын Америкасының жетекші елдерінің есебінен кеңейтілуі тиіс - ҚР Елбасы

"БҰҰ-ның қауіпсіздік кеңесі Азия, Африка мен Латын Америкасының негізгі елдерінің есебінен кеңейтілуі тиіс". Бұл туралы бүгін, 22-қазанда Алматыда басталған Азиядағы өзара ықпалдастық және сенім шаралары жөніндегі кеңес ұйымына мүше елдер министрлерінің бас қосуында сөз сөйлеген Қазақстан президенті Нұрсұлтан Назарбаев мәлімдеді.

Қазақстан Елбасының пікірінше, «қазіргі халықаралық қарым-қатынастар жүйесі жаңалауды талап етеді. Бұл жұмысты дүниежүзіндегі бейбітшілік пен қауіпсіздікті қорғаушы бас мекеме — БҰҰ-ын жаңалаудан бастаған жөн».

Сонымен бірге, Н.Назарбаевтың пікірінше, «БҰҰ бас ассамблеясының қазіргі заманғы ең өзекті проблемаларды шешудегі ролін күшейту қажет». «Бұл шаралардың барлығы да халықаралық қарым-қатынастарды демократияландыруға түрткі болар еді. Ал бұл әлем елдерінің мүддесіне сәйкеседі»,- деді мемлекет басшысы.