2005-жылға арналған республикалық бюджет жобасы парламент палаталарының бірлескен отырысында 5-қарашада екінші оқылымда қаралады

"2005-жылғы республикалық бюджет туралы" заң жобасы парламент палаталарының бірлескен отырысында 5-қарашада екінші оқылымда қаралады. Бұл туралы шешімді бүгін, 1-қарашада өткен парламент палаталарының бірлескен отырысында депутаттар бір дауыстан қабылдады,-деп хабарлайды KZ-today тілшісі.

5-қарашаға дейін парламент палаталарының бірлескен комиссиясы жұмыс істейді. Комиссияны мәжіліс депутаты Қуаныш Алпысбеков басқарады.

Бұдан бұрын да хабарлағанымыздай, 2005 жылы республикалық бюджетке түсетін түсімдердің жалпы көлемі 1 135,8 млрд. теңге, шығыстар 1 223,6 млрд. теңге болмақ. Тапшылық 87,750 млрд. теңге немесе ЖІӨ-нің болжанып отырған деңгейіне 15,5 % мөлшерінде ұйғарылып отыр. 2005-жылғы Жалпы ішкі өнім 5850 млрд. теңге болмақ.