Елбасы азаматтық қоғам және демократияландыру жөніндегі ұлттық комиссияның құрамын бекітті

Бүгін, 2-қарашада Қазақстан президенті "ҚР Елбасының жанындағы азаматтық қоғам және демократияландыру мәселелері жөніндегі ұлттық комиссия туралы" жарлыққа қол қойды. Жарлық бойынша Ұлттық комиссия туралы ережелер мен оның құрамы бекітілді. Бұл туралы KZ-today тілшісіне президенттің баспасөз қызметінің хабарламасынан мәлім болды.

Демократияландыру жөніндегі Ұлттық комиссияның төрағасы болып ҚР қауіпсіздік кеңесінің хатшысы Болат Өтемұратов бекітілді. Комиссия құрамына ҚР қауіпсіздік кеңесі хатшысының орынбасары Берік Имашев, ҚР мәдениет, ақпарат және спорт министрі Есетжан Қосубаев, ҚР әділет министрі Оңалсын Жұмабеков, мәжіліс пен сенат депутаттары, ресми тіркелген барлық саяси партиялардың жетекшілері енді.

Бұдан бұрын да хабарлағынымыздай, ұлттық комиссия Қазақстанның саяси дамуына қатысты көкейкесті мәселелер бойынша жалпыұлттық диалогты дамыту үшін құрылған.