Қырғызстандағы халықаралық әуежайда Нидерланды әскери әуе күштерінің ұшағы апатқа ұшырады. Зардап шеккендер жоқ

4-қараша күні кешке Қырғызстандағы "Манас" халықаралық әуежайында Нидерланды әскери әуе күштерінің Ғ-16 соғыс ұшағы апатты жағдайда қонды. Әуежайдағы ақпарат көздерінің KZ-today ақпарат агенттігінің Бішкектегі тілшісіне хабарлауынша, қонған кезде ұшақтың тежегіш жүйесі істемей қалған.

Ұшақ экипажы мен әуежай қызметкерлері зардап шеккен жоқ. Ұшу-қону алаңы бүлінуге байланысты «Манас» әуежайы бірнеше сағатқа жабылды. Алдын-ала жорамал бойынша, апат ұшақтың тежегіш жүйесіндегі ақау салдарынан шыққан.

Апатқа ұшыраған соғыс ұшағы халықаралық антитеррорлық коалиция күштері орналасқан Ганси авиабазасына қарасты. Бұл база 2001-жылы Ауғанстандағы «Мызғымас бостандық» операциясын жүзеге асыру үшін құрылған. Әуе базасы Қырғызстандағы «Манас» халықаралық әуежайының аумағында орналасқан.