Қазгидромет еліміздің кейбір өңірлерінде күн шұғыл суытады деп ескертеді

"Қазгидромет" РМК еліміздің кейбір өңірлерінде күн шұғыл суытады деген ескерту жариялады. Бұл туралы KZ-today тілшісіне ҚР төтенше жағдайлар жөніндегі министрлігінің республикалық дағдарыс орталығынан хабарлады.

Мәселен, Алматы облысының солтүстік бөлігінде 8-қарашада түнде сынап бағанасы 5-10 градусқа дейін суықтықты көрсетеді. Ал Павлодар, Қарағанды және Шығыс Қазақстан облыстарында ауаның температурасы 8-13, кей жерлерде 18 градус аязға дейін төмендейді. Ақмола облысында сынап бағанасы кей жерлерде 18 градус аязды көрсетеді деп күтілуде.