Экономика министрі орынбасарының пайымдауынша, еліміздің заңдарында сайланған әкімдерді кері шақырып алу тетіктері қарастырылуы тиіс

Еліміздің заңдарында сайланған әкімдерді кері шақырып алу тетіктері қарастырылуы тиіс. Бүгін, 17-қарашада парламент сенатының ұйымдастыруымен өткізілген "Қазақстан Республикасында жергілікті өзін-өзі басқару үрдісінің қалыптасу проблемалары туралы" дөңгелек үстел барысында ҚР экономика және бюджетті жоспарлау министрінің орынбасары Батырхан Исаев осындай пікір білдірді,- деп хабарлайды KZ-today тілшісі Астанадан.

«Еліміз заңнамасында осындай мүмкіндік қарастырылуы тиіс. Өйткені, ауыл тұрғындарының саяси сауаттылық деңгейі төмен болғандықтан, кез-келген ЖШС директорының өзі онда өктемдік жүргізе алады. Ондай адам билікке келсе, тұрғындардың мұқтаждығынан гөрі өз мүддесін жоғары қоятыны сөзсіз»,- дейді Б.Исаев.

Вице-министрдің пікірінше, сайланған әкімді кері шақырып алу функцияларын «мәслихатқа, немесе, басқа да жергілікті өзін-өзі басқару мекемесіне өткеріп беруге болады».