Халық арасында қызылшаға қарсы вакцина егу шарасын бастамас бұрын ҚР денсаулық сақтау министрлігі препаратты қосымша тексеруден өткізбекші

Денсаулық сақтау министрлігі 15-25 жас аралығындағы азаматтар арасында вакцина егу науқанын 2004-жылдың қазан-қараша айларында жүзеге асыруды межелеп, сол үшін арнаулы вакцина сатып алынды. Алайда, министрдің айтуынша, вакцинаны қосымша тексеру талабына сәйкес оны егу шарасы келесі жылға шегеріліп отыр. Сатып алынған вакцинаға «Дүниежүзілік денсаулық сақтау ұйымының арнаулы сертификаты берілген» және бұл препарат батыс Еуропада қолданылған, деді Е.Досаев. Дегенмен, аузы күйіп қалған министрлік «сақтық» мақсатымен вакцинаны қосымша зерттеуге жіберді, деді Е.Досаев.

Министрдің түсініктемесіне сәйкес, елімізде қызылша дерті 5 жылда бір мәрте етек алады. Биыл мұндай оқиға негізінен Алматыда, студенттер арасында таралды.
Е.Досаев еліміздің түрлі аймақтарында денсаулық сақтау министрлігіне қарсы балалары Сербияның БЦЖ вакцинасынан зардап шеккен ата-аналар тарапынан сотқа 29 шақым түсірілді деп хабарлады. «Ата-аналардың денсаулық сақтау министрлігіне айып тағуы орынды, бірақ мәселе сол шағымның құнында»,- деді қалыптасқан ахуалға түсініктеме берген министр.
Ол сондай-ақ Сербияның БЦЖ вакцинасынан зардап шеккен балалар түгелдей «емхана және стационар жағдайында қажетті емдеуден өткенін» хабарлады. Бұл балалардың әрқайсысы жіті бақылауға алынды және «бұл істі біз жалғастыра береміз»,- деді Е.Досаев. Оның айтуынша, вакцина егілген 200 мың баланың 1063-і ауруы асқынып зардап шеккен.